Карате федерацијата на Македонија, согласно усвоениот Календар за натпревари во 2023 година, на 08-09.04.2023 година (сабота и недела) ќе организира

Државно првенство за деца од 10-13 години во борби, кати и кати екипно

Место на одржување: Спортска сала ,,Бранители 2001‘‘, Крива Паланка.   

Пропозиции и категории: Дадени во Прилог

Поднесување на пријавите најдоцна до 24.00 часот на ден 02.04.2023 год. (недела) Преку WEB страницата на Sport Data (SET ONLINE), на следниот линк: https://www.sportdata.org/karate/set-online/veranstaltung_info_main.php?active_menu=calendar&vernr=7207#a_eventhead

Клубовите по приемот на ова известување по е-маил должни се повратно да потврдат дека го примиле ова известување на Е-маиловите: contact@kfm.com.mk и brankotasevski@gmail.com.

Доцнењето ќе се санкционира според одредбите од дисциплинскиот правилник на КФМ!

Податоците внесени во компјутерскиот програм за ждребање ќе бидат објавени и достапни на истиот линк на Sport Data на кој ќе се врши и пријавувањето од страна на клубовите. Корекција на евентуално погрешно внесените податоци може да се врши најдоцна до 04.04.2023 година, после што ќе се смета дека пријавите се конечни. Корекции може да се прават само доколку има промена на категорија на веќе внесени натпреварувачи, нови натпреварувачи не е дозволено да се внесуваат. Корекциите на пријавата задолжително се доставуваат на е-маил contact@kfm.com.mk.

За секоја промена на пријавата (промена на категорија и/или додавање нов натпреварувач) по овој датум ќе се наплатува казна во висина од 700 денари.

Натпреварите ќе се одржат според саатница која ќе биде дефинирана по приемот на пријавите и доставена до клубовите учесници најдоцна до 06.04.2023 година.

Ждребањето ќе биде полудиригирано со два или 4 носители одредени врз база на постигнати резултати на официјалните државни првенства во изминатите две години и меѓународни првенства во минатиот период од една година.

Секој клуб има право да пријави само по една екипа во одредена категорија.

Сите клубови се должни да носат црвени и сини појаси, ракавици, штитници за тело, штитници за нозе, папучи и забала за своите натпреварувачи. Заштитната маска за лице е опциона.

Право на настап ќе имаат само клубови со уплатена годишна чланарина за 2023 год. и регистрирани натпреварувачи и тренери, како и важечки лекарски преглед за натпреварувачите не постар од 6 месеци и заведен во натпреварувачкиот картон.

Котизацијата во износ од 600 МКД по пријавен натпреварувач и 900 МКД по пријавена екипа треба да се уплати на жиро сметка на КФМ најдоцна до 06.04.2023 година.

Натпреварувачите задолжително со себе да го понесат натпреварувачкиот картон.

Секој клуб има право на повеќе тренери. Максималниот број на тренери по клуб не смее да биде поголем од бројот на борилишта, кој ќе биде утврден по креирањето на саатницата за натпреварот. Доколку бројот на пријавени натпреварувачи од клуб е помал од бројот на борилишта на натпреварот, максималниот број на тренери не смее да биде поголем од бројот на пријавени натпреварувачи.

Сите тренери задолжително со себе да го понесат тренерскиот картон издаден од КФМ кој треба да биде на предниот дел на градите. Тренерите на екипата мора да бидат во спортска опрема.

Со почит,                                                                                                  

П Р О П О З И Ц И И   И   К А Т Е Г О Р И И

Категории во ката:

• 10 години – родени во периодот 01.01.2013-31.12.2013 година
• 11 години – родени во периодот 01.01.2012-31.12.2012 година
• 12 години – родени во периодот 01.01.2011-31.12.2011 година
• 13 години – родени во периодот 01.01.2010-31.12.2010 година

Пропозиции:

• Натпреварувачите изведуваат кати од официјалната листа за кати, дадена во „Правила за кумите и ката“, во важност од 01.01.2019.
• Дозволени се мали варијации согласно карате стилот (ryu-ha) на натпреварувачот.
• Пред настапот, записничката маса ќе биде известена за изборот на катата.
• Натпреварувачите треба да изведат различна ката во секој круг. Веќе изведена ката не смее да се повтори.

Категории во кумите:

• 10 години – родени во периодот 01.01.2013-08.04.2013 година
• 11 години – родени во периодот 01.01.2012-31.12.2012 година
• 12 години – родени во периодот 01.01.2011-31.12.2011 година
• 13 години – родени во периодот 01.01.2010-31.12.2010 година

Пропозиции: Борбите за сите категории траат 1.5 минути.